[vc_row][vc_column width=»1/2″][vc_images_carousel images=»5471,5472,5473,5474,5475,5476,5477,5478,5479,5480,5481,5482,5483,5470″ img_size=»700х480″ autoplay=»yes»][/vc_column][vc_column width=»1/2″][vc_column_text]Қызылорда қаласындағы Назарбаев Зияткерлік мектебінде инновациялық мектеп оқушылары арасында спартакиада өтті. Жастар жылы аясында ұйымдастырылған бұл спорттық додада жас спортшылар үстел теннисі, қол күрес, шахмат және кіші футболдан сайысқа түсіп, мықтылары анықталды.
Салауатты өмір салтын насихаттау, оқушыларды спортқа баулу, инновациялық мектеп оқушыларымен достық қарым-қатынасты нығайту мақсатында Зияткерлік мектебі Жастар жылында алғашқы спартакиада жалауын желбіретті. Шараға Назарбаев Зияткерлік мектебі мен облыс орталығындағы дарынды балаларға арналған №4 мектеп, №3 IT-лицейі, №12 білім ордасы, №2 «Мұрагер» мектебі, №11 мектеп, Білім-инновация лицейі және №23 мектеп командалары қатысты. Жарыстың ашылу салтанатында сөз алған Зияткерлік мектептің директоры Бахыт Жұматай біліммен бірге спорттың да адам өмірінде үлкен маңызға ие екендігіне тоқталып, бұл спартакиаданы дәстүрлі түрде өткізуге ниетті екенін жеткізді.
Үстел теннисі сайысына 8 команда топ ішінде айналма түрінде ойнады. Нәтижесінде, НЗМ ойыншылары бәрінен басым түсіп, жарыс жеңімпазы атанды. «Мұрагер» командасы екінші орынды, ал облыстық дарынды балаларға арналған №4 мектептің оқушылары үшінші орынды иемденді. Сайыс барысында өзін жақсы қырынан көрсеткен Аружан Оразбай мен Оңдасын Шамғұн «Үздік ракетка» номинациясымен марапатталды.
Жанына қол күресті серік еткен дарабоздар тартысқа толы сайыс үлгісін көрсете білді. Бұл кезеңде дарынды балаларға арналған мектеп оқушылары бәрінен оза шауып, бірінші орынды иеленді. Зияткерлік мектептің командасы мен «Мұрагер» ойыншылары екінші және үшінші орынды бөліп алды. Жарыс барысында қарсыластарының барлығынан басым түскен Зияткерлік мектеп командасының ойыншылары Рауф Хабибуллин мен Жания Әділбек «Болатты білек» номинациясымен марапатталды.
[/vc_column_text][/vc_column][/vc_row][vc_row][vc_column][vc_column_text]
Шахмат спорты түрінен өткен додада жалпы командалық есепте Зияткерлік мектеп оқушылары жеңімпаз болып танылды. Екінші орынды «Дарын» мектебі иеленсе, жүлделі үшінші орынға «Мұрагер» мектебі командасы тұрақтады. Сайыс барысында өнерімен көпшілік көңілін аударған Нұртаза Олжабай «Жігіт сұлтаны», Гаухар Мұхамеджан «Қыз аруы» номинацияларымен марапатталды.
Кіші футбол түрінен үш команда финалда бақ сынасып, нәтижесінде, НЗМ командасы бірінші орынды жеңіп алды. №11 мектеп спортшылары екінші орынды және №12 мектеп оқушылары үшінші орынды иемденді. Жарыс барысында өзін ерекше қырынан көрсеткен Айқын Әжіхан «Үздік қақпашы», Аманәлі Өмірзақ «Үздік қорғаушы», Асанәлі Қамалбай «Үздік шабуылшы», Данияр Ғайнуллаұлы «Үздік ойыншы» номинацияларымен марапатталды.
Бәсекеге толы қызықты өткен жарыстың жалпы қорытындысы бойынша Назарбаев Зияткерлік мектебі үздік деп танылды. Екінші орынға дарынды балаларға арналған мектеп-интернаты, үшінші орынға «Мұрагер» мектебінің командасы тұрақтады.
[/vc_column_text][/vc_column][/vc_row]
