[vc_row][vc_column width=»1/2″][vc_images_carousel images=»6737,6738,6739,6740,6741,6742,6743,6744,6745,6736″ img_size=»700х480″][/vc_column][vc_column width=»1/2″][vc_column_text]
Қарттар күніне орай Қызылорда қаласындағы Назарбаев Зияткерлік мектебінің оқушылары облыстағы түрлі салада қызмет еткен еңбек ардагерлерімен кездесу кешін ұйымдастырды.
«Ұрпақтар сабақтастығы» атты тәрбие бағытындағы жаңа мектепшілік жоба аясында өткізілген шараға облысымыздағы білім, медицина, журналистика және банк салаларында ұзақ жылдар бойы еңбек етіп,зейнетке шықса да қоғамға өздерінің үлестерін қосып жүрген ерекше тұлғалар қатысты. Алдымен оқушылардың дайындаған концерттік бағдарламасын тамашалаған меймандар жас ұрпаққа өздерінің өмірлік жолдары мен жеткен жетістіктері туралы айтып, тәрбиелік мәні бар әңгімелер айтты. Сондай-ақ жас зияткерлердің көкейінде жүрген сауалдарына жауап беріп, мамандық таңдауда және өз ісінің нағыз маманы болуға ақыл-кеңестерін берді.
«Ұрпақтар сабақтастығы» жобасының тағы бір мақсаты жалғыз басты қарияларға қолдау көрсету және қамқорлық танытуға бағытталған. Осы ретте бүгін мектеп қауымдастығының мүшелері аймақтағы тағдыр тәлкегімен жалғыз қалған қариялар дың үйлеріне барып, мерекемен құттықтады.
[/vc_column_text][/vc_column][/vc_row]
