[vc_row][vc_column width=»1/2″][vc_images_carousel images=»6044,6045,6046,6047,6048,6049,6050,6051,6052,6053,6054,6055,6056,6043″ img_size=»700х480″ autoplay=»yes»][/vc_column][vc_column width=»1/2″][vc_column_text]
Қызылорда облысындағы жалпы білім беретін мектептердің бір топ ұстаздары сабақты жоспарлау бағытында білімдерін жетілдірсе, аудан және ауылдық жерлердегі білім ордаларының директор орынбасаларлары жаңартылған білім беру жағдайында тәрбие жұмысын ұйымдастыру бойынша Назарбаев Зияткерлік мектебінің тәжірибесімен танысты.
Орта білім беретін мектептерге Зияткерлік мектептердің тәжірибесін тарату бүгінде еліміз бойынша қарқынды жүргізілуде. Қазақстандық және шетелдік практика негізінде оқушылар тың форматта білім алып, жаңаша оқытылып келеді.
Қызылордадағы НЗМ, ПШО және оқу орталығы бірлесіп өткізген тәжірибе тарату алаңында 200-ден астам білім беруші маман заманауи әдіс-тәсілдермен қаруланды. Атап айтар болсақ, облыс мектептерінен келген 50 ұстазы сабақты тиімді жоспарлау, оның сапалы өтуіне бақылау жүргізу және талдай білу қағидаларын меңгерді. Зияткер мектептердің ашық сабақтарына қатысып, жұмыстарына бақылау жүргізді. Өз кәсібилігімен бөліскен білікті педагогтар жарастылыстану-математикалық және қоғамдық-гуманитарлық бағыттағы пән мұғалімдеріне суммативті және формативті бағалау жүргізу, емтихан тапсырмаларын әзірлеу бойынша әдістемелік көмек те көрсетіп келеді.
«Жылдық жоспарға сәйкес мектебіміз жаңартылған білім беру, бағалау, тәрбие жұмысын ұйымдастыру, зерттеу жүргізу бағытында апта сайын облыс, қала мектептерінің ұстаздарына теориялық және практикалық білім беретін түрлі форматта шаралар жүргізеді», — дейді Қызылорда қаласындағы Назарбаев Зияткерлік мектебі директорының орынбасары Ләззат Абдраимова.
Сонымен қатар, облыстық семинарда бас қосқан аудан және ауыл мектептері директорларының орынбасарлары тәрбие жұмысын ұйымдастыруда кәсіби көмек алды. Қатысушылар Зияткерлік мектепте жүргізілетін ата-аналарды мектеп өміріне тарту, Уикипедияға мақала жазу, «100 кітап» жобасы және «Екі апта ауылда» әлеуметтік тәжірибесі туралы ақпарат алып, тәжірибе алаңында жүзеге асыру жолдарын талқылады.
«Семинар барысында ата-аналар жиналысын тиімді ұйымдастыру тренингіне қатысып, өз идеямызбен бөлістік. Ұсынған «Шай үстінде сұхбат» еркін форматтағы жиналыс жобасы оқушы үлгерімімен танысуға, ата-ана мен мектеп арасындағы байланысты нығайтуға үлкен септігін тигізеді», — дейді Жалағаш ауданы №246 орта мектептің тәрбие ісі жөніндегі орынбасары Бауыржан Қаленов.
Айта кету керек, Зияткерлік мектептердің тәжірибесі аймақтағы 300-ге жуық жалпы білім беретін мектептерге таратылуда.
[/vc_column_text][/vc_column][/vc_row]