Қызылорда қаласындағы Назарбаев Зияткерлік мектебінде 2023-2024 оқу жылының аяқталуына арналған салтанатты жиын өтті.

Мерекелік шараға бітіруші сыныптар, ұстаздар және ата-аналар қатысты.

Биыл NIS-тен 113 зияткер түлеп ұшты. Бүгінде олар білім мен ғылым кеңістігінде үлкен жетістіктерге қол жеткізіп, халықаралық және республикалық деңгейде мектеп абыройын асқақтатты. Қазіргі таңда 11 түлек шетелдің беделді жоғары оқу орныдарына шақырту алса, тағы 16 жас Назарбаев Университетінің білім гранттарын иеленді. Алуа Абдраим Гонконгтың алты бірдей ЖОО-на оқуға қабылданды. Әділ Абдрашит халықарлық SAT емтиханында математика пәні бойынша ең макксималды 800 балл жинап, жоғары академиялық білімін растады. Мектеп тарихына енетін 2024 жылдың түлектерін мектеп директоры Жаңбыржан Бекболатов құттықтап, сәт сапар тіледі.

Салтанатты жиында жас зияткерлер ұстаздарына деген алғыстарын әнмен жеткізіп, келешек буынға білім кілтін табыстады.