Ағымдағы жылдың 28 наурызынан бастап жалпы білім беретін мектептердің 5-сынып оқушылары үшін Виртуалды мектепке тіркелу басталды.

Үміткерлер 11 сәуір мен 15 мамыр аралығында математика, қазақ, орыс және ағылшын тілдерінен онлайн сабақтарға қатысып, тапсырмаларын орындайды. Мамырдың 9 мен 15 аралығында қатысушылар қорытынды тестілеуден өтіп, бағаланады. Виртуалды мектептен сәтті өткен оқушылар маусым айында өтетін Каникулярлық мектепке жолдама алады.

Виртуалды мектеп – бұл Назарбаев Зияткерлік мектебіне түсуге ынталы оқушыларды пән бойынша білімдерін арттырып, қажетті дағдыларды дамытуға арналған ақысыз платформа.

Мектепке тіркелу үшін https://vs.nis.edu.kz/?lang=kk сайтына кіріп, жеке кабинет ашу қажет.

Қосымша ақпаратты 8 (7242) 40 23 75 байланыс телефоны арқылы алуға болады.